International: ਅਮਰੀਕਾ ‘ਚ ਬੱਕਰੀਆਂ ਬਚਾਉਣ ਵਾਲੇ ਪੰਜਾਬੀ ਵਕੀਲ ‘ਤੇ ਹੋਇਆ ਕ੍ਰਿਮੀਨਲ ਕੇਸ
ਚੰਡੀਗੜ੍ਹ, 8 ਜੁਲਾਈ (ਵਿਸ਼ਵ ਵਾਰਤਾ): ਅਮਰੀਕਾ ‘ਚ ਬੱਕਰੀਆਂ ਬਚਾਉਣ ਵਾਲੇ ਪੰਜਾਬੀ ਵਕੀਲ ‘ਤੇ ਕ੍ਰਿਮੀਨਲ ਕੇਸ ਦਰਜ ਹੋ ਗਿਆ ਹੈ। ਦੱਸ ਦਈਏ ਕਿ ਇਹ ਕ੍ਰਿਮੀਨਲ ਕੇਸ ਦੋ ਬੱਕਰੀਆਂ ਨੂੰ ਬਚਾਉਣ ਕਾਰਨ ਹੋਇਆ ਹੈ। ਪੰਜਾਬੀ ਵਕੀਲ ਦਾ ਨਾਂਅ ਤਜਿੰਦਰ ਉਰਫ ਤਾਜ ਉੱਪਲ ਹੈ। ਇਹ ਕੇਸ ਅਮਰੀਕਾ ਦੇ ਕੈਲੀਫੋਰਨੀਆ ਸੂਬੇ ‘ਚ ਦਰਜ ਹੋਇਆ ਹੈ। ਦੱਸ ਦਈਏ ਕਿ ਮੁਕੱਦਮਾ ਇਸ ਮਹੀਨੇ ਜੁਲਾਈ 2026 ਵਿੱਚ ਸ਼ੁਰੂ ਹੋਵੇਗਾ। ਤਾਜ ਉੱਪਲ ਕੈਲੀਫੋਰਨੀਆ ਦੇ ਇੱਕ ਨਾਮੀ ਵਕੀਲ ਹਨ।
ਇਹ ਘਟਨਾ 27 ਮਈ, 2025 ਨੂੰ ਸਟ੍ਰੈਟਫੋਰਡ ਖੇਤਰ ਵਿੱਚ ਵਾਪਰੀ ਸੀ। ਤਾਜ ਉੱਪਲ ਸਮੇਤ ਕੁਝ ਕਾਰਕੁਨਾਂ ਨੇ ਇੱਥੇ ਵੇਰਾ ਬੱਕਰੀ ਡੇਅਰੀ ਤੋਂ ਦੋ ਬੱਕਰੀਆਂ ਨੂੰ ਬਚਾਇਆ। ਪਰ ਇਸ ਮਾਮਲੇ ‘ਚ ਉਨ੍ਹਾਂ ‘ਤੇ ਦੋਸ਼ ਹਨ ਕਿ ਉਹ ਬਿਨਾਂ ਇਜਾਜ਼ਤ ਦੇ ਇੱਕ ਨਿੱਜੀ ਫਾਰਮ ਤੋਂ ਜਾਨਵਰ ਲੈ ਗਏ ਸਨ, ਪੁਲਿਸ ਅਤੇ ਪ੍ਰਸ਼ਾਸਨ ਨੇ ਇਸ ਘਟਨਾ ਨੂੰ ਬਚਾਅ ਕਾਰਜ ਨਹੀਂ, ਸਗੋਂ ਚੋਰੀ ਅਤੇ ਸਾਜ਼ਿਸ਼ ਦਾ ਮਾਮਲਾ ਮੰਨਿਆ ਹੈ। ਇਸ ਮਾਮਲੇ ਨੇ ਉਸਦੀਆਂ ਕਾਨੂੰਨੀ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਉਸਦੀ ਨੌਕਰੀ ਅਤੇ ਵਕੀਲ ਦਾ ਲਾਇਸੈਂਸ ਵੀ ਖ਼ਤਰੇ ਵਿੱਚ ਹੈ। ਬੱਕਰੀ ਫਾਰਮ ਚਲਾਉਣ ਵਾਲੀ ਫਰਮ ਨੇ ਉੱਪਲ ਸਮੇਤ ਚਾਰ ਵਿਅਕਤੀਆਂ ਵਿਰੁੱਧ ਅਪਰਾਧਿਕ ਮਾਮਲਾ ਦਰਜ ਕਰਵਾਇਆ ਹੈ।
ਵਕੀਲ ਤਾਜ ਉੱਪਲ ਦੇ ਸਮਰਥਕਾਂ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਉਨ੍ਹਾਂ ਲੋਕਾਂ ਵਿਰੁੱਧ ਹੈ ਜੋ ਮਾਸੂਮ ਜਾਨਵਰਾਂ ਵਿਰੁੱਧ ਬੇਰਹਿਮੀ ਨੂੰ ਉਜਾਗਰ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਪੰਜਾਬੀ ਮੂਲ ਦੇ ਸਿੱਖ ਵਕੀਲ ਅਤੇ ਕਾਰਕੁਨ ਤਾਜ ਉੱਪਲ ਲੰਬੇ ਸਮੇਂ ਤੋਂ ਜਾਨਵਰਾਂ ਦੇ ਅਧਿਕਾਰਾਂ ਲਈ ਸਰਗਰਮ ਰਹੇ ਹਨ। ਤਾਜ ਉੱਪਲ ਦੀ ਸੰਸਥਾ, ਡਾਇਰੈਕਟ ਐਕਸ਼ਨ ਐਵਰੀਵੇਅਰ, ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਫਾਰਮ ‘ਤੇ ਜਾਨਵਰਾਂ ਦੀ ਤਰਸਯੋਗ ਸਥਿਤੀ ਦੇਖੀ। ਹਜ਼ਾਰਾਂ ਬੱਕਰੀਆਂ ਉੱਥੇ ਕੈਦ ਸਨ। ਕਈ ਥਾਵਾਂ ‘ਤੇ ਮਰੇ ਹੋਏ ਜਾਨਵਰਾਂ ਦੇ ਢੇਰ ਦਿਖਾਈ ਦੇ ਰਹੇ ਸਨ, ਅਤੇ ਮਾਵਾਂ ਅਤੇ ਉਨ੍ਹਾਂ ਦੇ ਬੱਚਿਆਂ ਨੂੰ ਵੱਖਰੇ ਤੌਰ ‘ਤੇ ਰੱਖਿਆ ਜਾ ਰਿਹਾ ਸੀ। ਉਨ੍ਹਾਂ ਨੇ ਸਿਰਫ ਉਨ੍ਹਾਂ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਨਾ ਕਿ ਬੱਕਰੀਆਂ ਚੋਰੀ ਕਰਨ ਦੀ ਉਨ੍ਹਾਂ ਦੀ ਕੋਈ ਨੀਅਤ ਸੀ।
ਜਦੋਂ ਕਿ ਕਿੰਗਜ਼ ਕਾਉਂਟੀ ਜ਼ਿਲ੍ਹਾ ਅਟਾਰਨੀ ਨੇ ਉਨ੍ਹਾਂ ‘ਤੇ ਪਸ਼ੂਆਂ ਦੀ ਵੱਡੀ ਚੋਰੀ, ਸਾਜ਼ਿਸ਼ ਅਤੇ ਘੁਸਪੈਠ ਦਾ ਦੋਸ਼ ਲਗਾਇਆ ਹੈ। ਤਾਜ ਉੱਪਲ ਸਮੇਤ ਉਨ੍ਹਾਂ ਦੇ ਹੋਰ ਸਾਥੀਆਂ ‘ਤੇ ਦੋਸ਼ ਗੰਭੀਰ ਹਨ ਅਤੇ ਜੇਕਰ ਅਦਾਲਤ ਵਿੱਚ ਦੋਸ਼ ਸਾਬਤ ਹੋ ਜਾਂਦੇ ਹਨ, ਤਾਂ ਤਾਜ ਉੱਪਲ ਸਮੇਤ ਉਨ੍ਹਾਂ ਦੇ ਸਾਥੀਆਂ ਨੂੰ ਛੇ ਸਾਲ ਤੱਕ ਦੀ ਕੈਦ ਹੋ ਸਕਦੀ ਹੈ। ਸਾਰੇ ਮੁਲਜ਼ਮਾਂ ਨੇ ਆਪਣੇ-ਆਪ ਬੇਗੁਨਾਹ ਦੱਸਿਆ ਹੈ ਅਤੇ ਕਿਹਾ ਹੈ ਕਿ ਉਹ ਮੁਕੱਦਮੇ ਦਾ ਸਾਹਮਣਾ ਕਰਨ ਲਈ ਤਿਆਰ ਹਨ।
ਇਹ ਮਾਮਲਾ 27 ਮਈ, 2025 ਨੂੰ ਇੱਕ ਘਟਨਾ ਨਾਲ ਸ਼ੁਰੂ ਹੋਇਆ ਸੀ। 2026 ਵਿੱਚ ਇੱਕ ਜਾਂਚ ਤੋਂ ਬਾਅਦ, ਪੁਲਿਸ ਨੇ ਇੱਕ ਅਪਰਾਧਿਕ ਮਾਮਲਾ ਦਰਜ ਕੀਤਾ ਅਤੇ ਅਦਾਲਤੀ ਮੁਕੱਦਮੇ ਦੀ ਤਿਆਰੀ ਕਰ ਰਹੀ ਹੈ।
Social Plugin