ਟਰਾਈਸਿਟੀ ਦੇ ਸਭ ਤੋਂ ਸੁਰੱਖਿਅਤ ਮੰਨੇ ਜਾਣ ਵਾਲੇ ਸ਼ਹਿਰ ਪੰਚਕੂਲਾ ਵਿੱਚ ਬੁੱਧਵਾਰ ਦੇਰ ਰਾਤ ਉਸ ਵੇਲੇ ਖ਼ੂਨੀ ਖੇਡ ਖੇਡੀ ਗਈ, ਜਦੋਂ ਸੈਕਟਰ-5 ਸਥਿਤ ਇੱਕ ਨਾਮਵਰ ਕਲੱਬ ਦੇ ਬਾਹਰ ਹਥਿਆਰਬੰਦ ਹਮਲਾਵਰਾਂ ਨੇ ਕਲੱਬ ਮਾਲਕ 'ਤੇ ਜਾਨਲੇਵਾ ਹਮਲਾ ਕਰ ਦਿੱਤਾ। ਇਸ ਵਾਰਦਾਤ ਤੋਂ ਬਾਅਦ ਹਰਕਤ ਵਿੱਚ ਆਈ ਪੰਚਕੂਲਾ ਪੁਲਿਸ ਅਤੇ ਕ੍ਰਾਈਮ ਬ੍ਰਾਂਚ ਦੀਆਂ ਟੀਮਾਂ ਨੇ ਫ਼ਰਾਰ ਹੋ ਰਹੇ ਸ਼ੂਟਰਾਂ ਨੂੰ ਰਾਮਗੜ੍ਹ ਇਲਾਕੇ ਵਿੱਚ ਘੇਰ ਲਿਆ। ਦੋਵਾਂ ਪਾਸਿਆਂ ਤੋਂ ਹੋਈ ਸਿੱਧੀ ਗੋਲੀਬਾਰੀ (ਐਨਕਾਊਂਟਰ) ਵਿੱਚ ਪੁਲਿਸ ਨੇ ਜਵਾਬੀ ਕਾਰਵਾਈ ਕਰਦਿਆਂ ਦੋਵੇਂ ਹਮਲਾਵਰਾਂ ਦੀਆਂ ਲੱਤਾਂ 'ਚ ਗੋਲੀ ਮਾਰ ਕੇ ਉਨ੍ਹਾਂ ਨੂੰ ਮੌਕੇ 'ਤੇ ਹੀ ਦਬੋਚ ਲਿਆ।
ਮਿਲੀ ਜਾਣਕਾਰੀ ਅਨੁਸਾਰ ਇਹ ਘਟਨਾ ਰਾਤ ਦੇ ਕਰੀਬ 1 ਵਜੇ ਵਾਪਰੀ। ਕਲੱਬ ਮਾਲਕ ਰਤਨ ਲੁਬਾਣਾ ਜਿਵੇਂ ਹੀ ਆਪਣੇ ਇੱਕ ਸਾਥੀ ਨਾਲ ਸੈਕਟਰ-5 ਦੇ ਕਲੱਬ ਤੋਂ ਬਾਹਰ ਆਇਆ, ਤਾਂ ਪਹਿਲਾਂ ਤੋਂ ਹੀ ਘਾਤ ਲਗਾ ਕੇ ਬੈਠੇ ਸ਼ੂਟਰਾਂ ਨੇ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾ ਕੇ ਅੰਨ੍ਹੇਵਾਹ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਚਸ਼ਮਦੀਦਾਂ ਮੁਤਾਬਕ ਮੌਕੇ 'ਤੇ ਲਗਭਗ 10 ਤੋਂ 12 ਰਾਊਂਡ ਫਾਇਰ ਕੀਤੇ ਗਏ। ਰਤਨ ਲੁਬਾਣਾ ਅਤੇ ਉਸ ਦੇ ਸਾਥੀ ਨੇ ਜਾਨ ਬਚਾਉਣ ਲਈ ਲੁਕਣ ਦੀ ਕੋਸ਼ਿਸ਼ ਕੀਤੀ, ਪਰ ਹਮਲਾਵਰ ਲਗਾਤਾਰ ਗੋਲੀਆਂ ਵਸਾਉਂਦੇ ਰਹੇ।
Social Plugin